Камида 486 киши Канада ғарбидаги Британия Колумбияси вилоятида кузатилган аномал иссиқ об-ҳаво қурбони бўлган бўлиши мумкин.
Айрим жойларда вазият чидаб бўлмас даражада, кўчага чиқиш деярли имконсиз.
Бундай об-ҳаво шароитида сурункали касалликларга чалинган одамлар, асаб касалликлари бўлган фуқаролар, шунингдек, кондиционерсиз хоналарда кўп вақт ўтказадиган ёлғиз одамлар ва шаҳар аҳолиси хавф остида ҳисобланади.
Тиббиёт ходимлари аҳолига кўчада камроқ юриш, кўпроқ сув ичиш ва бош кийимда бўлиш зарурлигини тавсия қилишмоқда.
Ванкувер шаҳри полицияси тўсатдан ўлимлар ҳақида 65 та хабар келиб тушганини билдирган.
Тахмин қилинишича, бу одамларнинг ўлими юқори ҳаво ҳароратига боғлиқ. Ўлганлардан кўпи пенсионерлар бўлган.
Маҳаллий метеобюро маълумотларига қараганда, 30 июнь куни Литтон шаҳрида ҳаво ҳароратининг мутлақ рекорди қайд этилган. Ҳаво 49,5 даражагача исиб кетган.