Маълум қилинишича, 1997 йилда туғилган Ўзбекистон фуқароси Волгоград-Москва трассасида ГАЗ 322131 (“ГАЗель”) автомобилини бошқариб кетаётиб, бошқарувни йўқотган. Натижада автомобиль йўл четидаги ариққа ағдарилиб кетган.
Ҳозирда ҳайдовчи Волгоград шаҳридаги 25-сонли шаҳар клиника касалхонасининг жонлантириш бўлимида. Мавжуд маълумотларга кўра, қолган йўловчилар ЙТҲ оқибатида енгил тан жароҳати олган ва юқорида тилга олинган тиббиёт муассасасига кўрикдан ўтиш учун юборилган.
“Вазият Бош консулхона назорати остида”, - дейилган хабарда.