ТОШКЕНТ, 28 июн – Sputnik. Ўзбекистон Тожикистоннинг Cўғд вилоятида агросаноат лойиаларига инвестиция киритиши мумкин. Хусусан ипакчилик ва чарм-пойабзал соҳаларига. Бу ҳақида Сўғд вилояти раиси Р.Ахмадзоданининг Сардор Умурзаков билан учрашувдан сўнг маълум бўлди.
“Томонлар яқин келажакда Ўзбекистоннинг Тошкент вилояти тадбиркорлари иштирокида Тожикистоннинг Суғд вилоятида ипакни қайта ишлаш заводларини ташкил этиш ва чарм-пойабзал маҳсулотларини ишлаб чиқариш бўйича аниқ таклифларни шакллантиришга келишиб олдилар”, - дейилган хабарда.
Р.Ахмадзода Ўзбекистон тажрибасига асосланган ҳолда, Тожикистонда кластер ёндашуви асосида тўқимачилик саноатини ривожлантиришга қизиқиш юқорилигини билдирди.
Шунингдек, уруғчилик, пахтачилик, чорвачилик, узумчилик ва бошқа соҳалардаги илмий ишланмалар билан бўлишиш мақсадида Ўзбекистон ва Тожикистон илмий муассасалари ўртасида бевосита ўзаро ҳамкорликни йўлга қўйиш муҳимлиги таъкидланди.
Эслатиб ўтамиз, Шавкат Мирзиёевнинг июнь ойида Тожикистонга бўлган сафари давомида икки республика ўртасида деярли 100 миллион долларлик 30 қўшма лойиҳани амалга оширишга келишиб олинган ва қиймати 300 миллион доллардан ортиқ бўлган 250 дан ортиқ савдо шартномалари имзоланган эди.