ТОШКЕНТ, 25 июн - Sputnik. Кеча Ўзбекистонда коронавирус ҳолати бўйича антирекорд ўрнатилди. 476 нафар кишида касаллик қайд этилиб, икки нафар бемор вафот этди, деб хабар беради ССВ.
2021 йил 24 июнь ҳолатига кўра, Ўзбекистонда коронавирус инфекцияси қайд этилганлар сони 108 184 нафарни ташкил этмоқда.
Янги касалланиш ҳолатларининг энг кўпи Тошкент шаҳри (135) ва Самарқанд вилоятида (89) аниқланган.
️Кеча кун давомида 535 бемор касалликдан соғайган ва тузалган беморлар сони жами 104 007 нафар(96 %)га етган. Касалликдан вафот этганлар сони 725 нафарни ташкил қилмоқда.
Айни пайтда тиббиёт муассасаларида 3452 нафар бемор даволанмоқда.