ТОШКЕНТ, 23 июн — Sputnik. Ўзбекистон ташқи ишлар вазири Абдулазиз Камилов Россия ташқи ишлар вазири Сергей Лавров билан телефон орқали мулоқот қилди. Бу ҳақда республика ТИВ хабар берди.
Суҳбат чоғида Ўзбекистон-Россия ҳамкорлигининг томонларни қизиқтирган соҳалардаги долзарб жиҳатлари муҳокама қилинди.
“Турли даражадаги бўлажак расмий учрашувлар жадвали кўриб чиқилди. Минтақавий хавфсизлик ва халқаро сиёсат масалалари юзасидан ҳам фикр алмашилди”, - дейилган хабарда.
Россия томонининг “Марказий ва Жанубий Осиё: минтақавий боғлиқлик. Таҳдидлар ва имкониятлар” мавзусидаги халқаро конференциядаги иштирокига алоҳида эътибор қаратилди.