ТОШКЕНТ, 18 июн - Sputnik. Россия президенти Владимр Путиннинг энг яхши жиҳати - бу унинг дангал гаплилигидир, деди РФ ва АҚШ президентлари музокаралари ташкиллаштиришда қатнашган Швейцария етакчиси Ги Пармелен.
"Владимир Путин гапни айлантирадиган одамлар тоифасидан эмас, у дангал гапиради. Унинг сўзлари аниқ мақсадга қаратилган. Мен унинг бу жиҳатини қадрлайман", - деган Пармелен.
Швейцария етакчиси шунингдек, РФ ва АҚШ президентлари ўртасидаги мулоқот қандай кечишини бошидаёқ ҳис қилганини қайд этган.
"Жо Байден ва Владимир Путин беш дақиқача суҳбатлашишди, ва мен, улар ўртасидаги мулоқот, икки инсон ўртасидаги мулоқот сифатида жуда яхши кечаётганини пайқадим", – деган Пармелен Швейцариянинг RTS телеканалига берган интервьюсида.
16 июнь куни Женевадаги Ла Гранж вилласида Россия ва АҚШ президентларининг илк учрашуви бўлиб ўтди. Мулоқот танаффусни ҳисобга олганда 4,5 соат давом этди. Музокаралардан сўнг етакчиларнинг ҳар бири мулоқот конструктив ва позитив нотада ўтганини айтди. Саммит якунига кўра РФ ва АҚШ етакчилари қўшма баёнот қабул қилишди. Ҳужжатда иккала томоннинг ядровий урушда ғолиблар бўлмаслиги ва бундай уруш ҳеч қачон бошланиши керакмаслиги ҳақидаги тезисга собитлиги қайд этилган.