ТОШКЕНТ, 22 апр — Sputnik. Россиянинг қурилиш майдонларида ишлаётган мигрантлар учун кадрлар реестрини яратиш таклиф этилди.
Қурувчилар миллий уюшмаси (НОСТРОЙ) президенти Антон Глушковнинг сўзларига кўра, бу меҳнат мигрантларига кўпроқ кафолатлар беради.
"Бундай реестрни яратиш мигрантларни солиққа тортиш масалаларини соддалаштириш, уларга ўз вақтида ҳақ тўлаш кафолатларини таъминлаш ва меҳнат муҳофазасини таъминлашга имкон беради", - деди Глушков.
У Россия ҳудудида ишлаш учун барча мигрантлар рус тилини билиш бўйича имтиҳон топшириш, патент олиш ва шунингдек, тиббий маълумотномаларни тақдим этиши кераклигини эслатди.
"Биз Россияга кириб келаётган чет элликларни меҳнат кадрлар реестрига киритиш учун ариза беришни талабини таклиф қиламиз", - деди НОСТРОЙ раҳбари.
Айни дамда НОСТРОЙ қурилиш соҳасидаги меҳнат кадрларининг реестрини юритиш вазифасини ўз зиммасига олиш, барча керакли идоралараро билан бирга йўлга қўйишни таъминлаш, Шу жумладан, давлат хизматлари портали тизимига тўлиқ интеграция қилиш ва Ички ишлар вазирлиги органларини ахборот билан таъминлашга тайёр.
Уюшма президенти таъкидлашича, бундай реестр қурилиш компанияларига мигрант ушбу объектда ишлашни тугатганлиги ёки ҳали тугамаганлиги тўғрисида тезкор маълумот олиш имкониятини беради.
Бундай реестр янги қурилиш майдончаларга меҳнат ресурсларини излашни сезиларли даражада осонлаштиради.