ТОШКЕНТ, 21 апр — Sputnik. Ўзбекистонда махсус эвакуатор устида турган “Матиз” тезликни оширганлик учун радарга тушди. Бу акс этган сурат ижтимоий тармоқларда тарқалди.
В Узбекистане оштрафовали Matiz за превышение скорости на эвакуаторе
© Сообщество "Водители Ташкента" в Facebook
ИИВ матбуот хизмати котиби Шоҳрух Ғиёсов Sputnik нашрига бу воқеа Сирдарё вилоятида рўй берганини маълум қилди ва техник хато эканини таъкидлади.
“Бу техника ва баъзан шунақа хатоликлар бўлиб туради. Бунда одам иштироки жуда минималдир. Кетаётган вақтда эвакуаторнинг рақами кўринмаган, тизим эса “Матиз” автомобилининг рақами унинг рақами деб қабул қилган. Натижада у жаримага тортилган. Бунда ҳеч қандай муаммо йўқ. Бутун дунёда кузатиладиган ҳолат”, - деди ИИВ вакили.
ИИВ ЙҲХББ ахборот хизматининг аниқлик киритишича, бу ҳолат Гулистон шаҳри Ўзбекистон кўчасида содир бўлган. “Мерседес-Бенц Спринт” русумли махсус эвакуатор юк машинаси тезликни оширганлиги сабабли жарима солиш тўғрисидаги қарор тасдиқланган. Жаримани эвакуатор юк машинаси ҳайдовчиси тўлайди.