ТОШКЕНТ, 21 апр — Sputnik. Ўзбекистон президенти қарорига асосан ИИВда қатор тайинловлар амалга оширилди. Бу ҳақда ИИВ матбуот хизмати хабар берди.
Генерал-майор Азизбек Икрамов ички ишлар вазирининг ўринбосари – Маънавий-маърифий ишлар ва кадрлар билан таъминлаш департаменти бошлиғи лавозимига тайинланди.
Тайинловга қадар Икрамов ички ишлар вазирининг жамоат тартибини сақлаш бўйича ўринбосари лавозимида фаолият юритган.
Генерал-майор Баҳодир Мирзараҳимов ички ишлар вазирининг ўринбосари – Транспорт ва туризм объектларида хавфсизликни таъминлаш департаменти бошлиғи лавозимига тайинланди.
Тайинловга қадар Мирзараҳимов Ички ишлар вазирининг жазоларни ижро этишни таъминлаш ва ҳарбий тузилмалар бўйича ўринбосари лавозимида фаолият юритган.
Полковник Бекмурод Абдуллаев ички ишлар вазирининг ўринбосари – Жамоат хавфсизлиги департаменти бошлиғи лавозимига тайинланди.
Тайинловга қадар Абдуллаев Миллий гвардияси қўмондонининг жамоат хавфсизлигини таъминлаш бўйича биринчи ўринбосари лавозимида фаолият юритган.
Эслатиб ўтамиз, аввалроқ президент фармони билан Ички ишлар вазирлиги тузилмаси қайта кўриб чиқилган эди. Бошқарма ва хизматлар департаментларга бирлаштирилган эди.