ТОШКЕНТ, 1 апр — Sputnik. Чеченистон раҳбари Рамзан Қодиров Нобел мукофотига тавсия этилди. Бу ҳақда “Грозний” давлат телекомпанияси Халқаро Нобел Ахборот Маркази (ИНC) президенти Вячеслав Тютюнник баёнотига асосан хабар қилди. РИА Новости.
Норвегия вакиллари аризани тақдим этади. "Сўнгги 15 йил ичида тарихий жиҳатдан мураккаб минтақада ишончли тинчликни ўрнатиш ва сақлашга қўшган улкан ҳиссаси" тавсияга асос бўлади.
Телеканал ўтган йили Қодиров Тинчлик ва тараққиёт институти (INSPAD) томонидан таъсис этилган халқаро тинчлик мукофотига номзод бўлганини эслатди. Ташкилот унинг динлараро алоқаларни ривожлантириш, гуманитар ва таълим дастурларида алоҳида ролини қайд этди.
Нобел мукофоти 1901 йилдан буён ҳар йили барқарорликни таъминлаш соҳасида ютуқларга эришган давлат арботлари ёки ташкилотларга берилади. Номзодлар турли мамлакатлар миллий парламентлари ва ҳукуматлари аъзолари ёки халқаро судлар, университет ректорлари, Норвегия Нобел қўмитасининг амалдаги ва собиқ аъзолари, маслаҳатчилари томонидан тавсия қилиниши мумкин. Турли йилларда Теодор Рузвельт, Мартин Лютер Кинг, Михаил Горбачёв, Нельсон Мандела, Барак Обама мукофотга сазовор бўлган. 2020 йилда мукофот Жаҳон озиқ-овқат дастурига тақдим этилди.