ТОШКЕНТ, 24 фев - Sputnik. Коронавирус пандемияси қачон тугаши ҳақида Бутунжаҳон соғлиқни сақлаш ташкилоти Европа минтақаси бюроси раҳбари Ханс Клюге ҳикоя қилди, деб хабар бермоқда РИА Новости.
"Коронавирус инфекцияси пандемияси 2022 йилнинг бошида якун топади", - дея таъкидлаган эксперт.
У шунингдек, вирус ҳеч қаёққа ғойиб бўлмаслигини, аммо чекловларга ҳожат қолмаслигини қўшимча қилган.
Клюгенинг огоҳлантиришича, бу шунчаки, прогноз, холос, чунки вазият қандай ривожланишини ҳали ҳеч ким аниқ билмайди.
Эслатиб ўтамиз, коронавирус инфекцияси билан дунёда 111 миллиондан зиёд киши беморланган, қурбонлар сони 2,5 миллионга етган.