Россияга иш излаб: Самарқандда қурувчилар қандай танлаб олинмоқда

Ўзбекистон президенти - Шавкат Мирзиёев меҳнат мигрантларига нисбатан сиёсатни қайта кўриб чиқиш ҳақида гапирганидан сўнг, мигрантлар муаммолари, уларнинг ижтимоий-ҳуқуқий муҳофазаси ҳақида мамлакатнинг энг юқори минбарларида тилга олина бошлаган эди.

Бугунги кунга келиб, хорижда ишламоқчи бўлган Ўзбекистон фуқаролари мамлакатнинг ҳар бир вилоятида ишга туширилаётган замонавий "Ишга марҳамат" мономарказларида энг қисқа вақт ичида ўзлари истаган йўналишдаги касб-ҳунарни эгаллашлари, шунингдек, интенсив асосда хорижий тилларни ўрганишлари мумкин.

1 / 12

Самарқанд шаҳридаги Автомобилсозлик коллежида россиялик иш берувчилар иштирокида танлов ўтказилди. Танлов ўтказилишидан хабар топган юзлаб фуқаролар эрта тонгдан белгиланган манзилга келишни бошладилар. Коллеж биносида хавфсизлик чоралари Ички ишлар ходимлари томонидан таъминланди.

2 / 12

Ишга танлов Россиянинг "ПИК-Индустрия" ва "ТехСтрой" қурилиш компаниялари томонидан 15-31 январ кунлари Ўзбекистоннинг айрим ҳудудларида ўтказилмоқда. Фуқаролар қурилиш соҳасидаги ишларга жалб қилиниши кўзда тутилган.

3 / 12

Танловда Бухоро, Жиззах, Қашқадарё, Навоий, Самарқанд, Сирдарё, Сурхондарё, Тошкент вилоятлари ва Тошкент шаҳри вакиллари иштирок этиши мумкин.

4 / 12

Россияда ишлашни истаган фуқароларнинг ёши турлича: улар орасида 20 ёшдан энди ошган ва 60 ёшга яқинлашганлари бор.

5 / 12

Паспорт назоратидан ўтган ва рўйхатга олингандан сўнг, фуқаролар коллеж биноси ичида қисқа суҳбатдан ўтишмоқда. Суҳбат вақтида бўлажак ходимларнинг иш тажрибаси, кўникмалари, қурилиш соҳасидаги мутахассисликлари, рус тилини билиш даражаси аниқланади.

6 / 12

Суҳбат вақтида бўлажак ходимларнинг иш тажрибаси, кўникмалари, қурилиш соҳасидаги мутахассисликлари, рус тилини билиш даражаси аниқланади.

7 / 12

Россия қонунчилигига белгиланган тартибга кўра, иш берувчи ўзига керакли миқдорда мутахассисларни танлаб олганидан сўнг, уларнинг рўйхати Россиянинг тегишли ҳудудидаги махсус комиссияга тақдим этилади. Комиссия тасдиқлаганидан сўнг ходимлар ташкиллаштирилган тартибда бўлажак иш жойига олиб келинади.

8 / 12

Қурилиш компаниялари Ўзбекистондан 4000 кишини ишга ёллашни режалаштирган. Улар монтажчилар, пайвандчилар, ғишт терувчилар, арматурачилар, бетон плиталарини жойлаштириувчилар ва ички пардоз ишлари олиб борувчилар ва бошқа мутахассисларни ишга таклиф қилмоқда.

9 / 12

Қурилиш компаниялари Ўзбекистондан 4000 кишини ишга ёллашни режалаштирган. Улар монтажчилар, пайвандчилар, ғишт терувчилар, арматурачилар, бетон плиталарини жойлаштириувчилар ва ички пардоз ишлари олиб борувчилар ва бошқа мутахассисларни ишга таклиф қилмоқда.

10 / 12

Танлов 4 февралгача эрталаб тўққиздан кечгача давом этади. Қурилиш компанияси вакилларининг айтишича, ҳар куни 600дан ортиқ талабгорлар суҳбатдан ўтказилмоқда.

11 / 12

Хоразм вилояти Урганч шаҳрида ўтказилган танловга ташриф буюрганларнинг 70 фоизи ишга жалб қилиниш масаласида ижобий жавоб олган.

12 / 12

Вақтинча меҳнат фаолиятини амалга ошириш учун ташкиллаштирилган асосда четга юборилаётган фуқароларнинг транспорт, овқатланиш, патент ва яшаш харажатлари, шунингдек, ўртача 500-700 АҚШ доллари миқдоридаги ойлик иш ҳақи билан таъминланиши белгиланган.