ТОШКЕНТ, 28 янв - Sputnik. Самарқанд шаҳридаги темирйўл вокзалида биринчи туризм бекати ташкил этилди, деб хабар қилмоқда Sputnik мухбири.
© Sputnik / Дильшода Рахматова
Туристик бекатда ахборот маркази ташкил этилади ва у ерда барча экскурсиялар нархи, вақти, самолёт ва поездлар жадвали ҳақида маълумотлар бўлади.
Энг асосийси, ушбу нуқтадан нафақат Самарқанд вилоятининг барча диққатга сазовор жойларига, балким бошқа шаҳарларга ҳам сайёҳатга чиқиш учун барча шароитлар яратилади. Ташкиллаштирилган микроавтобуслар сайёҳларни Ўзбекистоннинг бошқа шаҳарларига олиб бориб қўйиши ёки олиб бориб қайтиб олиб келиши мумкин бўлади.
Бекатларда туристик синфга мансуб автобуслар, микроавтобус ва енгил автомашиналар доимий жалб этилади ҳамда белгиланган график асосида ҳаракатланади.
Кейинги босқичда турим бекатлари Амир Темур мақбараси ва Улуғбек расадхонаси ҳудудида ҳам туризм бекатлари ташкил этиш режалаштирилган.
Ушбу лойиҳани Республикамизнинг барча ҳудудларида оммалаштириб яхлит бир тизим шакллантириш мақсад қилинган.
© Sputnik / Дильшода Рахматова