ТОШКЕНТ, 8 дек - Sputnik. 2020-йилнинг 7-декабр куни Ўзбекистон Ташқи ишлар вазири Абдулазиз Камилов ва Швейцария Конфедерацияси Ташқи ишлар федерал маслаҳатчиси (вазири) Игнатсио Кассис ўртасида телефон орқали суҳбат бўлиб ўтди.
Ташқи сиёсий идоралар раҳбарлари Ўзбекистон-Швейцария кўп қиррали алоқаларининг ҳозирги ҳолати ва ривожланиш истиқболларини муҳокама қилдилар.
Томонлар савдо-иқтисодий ва маданий-гуманитар ҳамкорликни кучайтириш ҳамда қишлоқ жойларда инфратузилмани ривожлантириш, ресурслар ва энергия тежайдиган технологияларни жорий этиш бўйича қўшма лойиҳаларни амалга оширишга қизиқиш билдирдилар.
Учрашувда икки мамлакатнинг БМТ, ЕХҲТ ва бошқа халқаро тузилмалар доирасидаги ўзаро алоқалари масалаларига алоҳида эътибор қаратилди.
Шунингдек, турли даражаларда бўлиб ўтадиган учрашувлар жадвали тўғрисида фикр алмашилди.