ТОШКЕНТ, 17 сен — Sputnik. Беларусь коронавирусга қарши Россия вакцинасининг клиник синовларини ўтказиш учун ҳужжатлар тўпламини олди. Бу ҳақда мамлакат Соғлиқни сақлаш вазирлиги матбуот хизмати хабар қилди.
Ҳозир олинган ҳужжатлар ўрганилмоқда. Экспертлар гуруҳи таркибига “Соғлиқни сақлашдаги экспертизалар ва синовлар маркази” ҳамда эпидемиологик ва юқумли касалликлар соҳасидаги етакчи мутахассислар киритилган.
Улар препаратнинг самарадорлиги ва хавфсизлиги тўғрисидаги ишончли маълумотларни олиш имкониятини баҳолашлари ҳамда синов билан боғлиқ масалаларни кўриб чиқишлари зарур.
Таъкидланишича, коронавирусга қарши Россия вакцинаси синовларида 100 нафарга яқин кўнгиллилар иштирок этади.
Аввалроқ Минск ва Москва Беларуснинг “Спутник V” вакцинаси синовининг учинчи босқичида иштирок этиши тўғрисида келиб олган эди.