ТОШКЕНТ, 26 июл — Sputnik. Ўзбекистонинг барча ҳудудларида “махсус поликлиникалар” фаолияти йўлга қўйилади. Бу Республика махсус комиссияси ахборотида айтиб ўтилган.
“Қорақалпоғистон Республикаси ҳамда вилоятларда Тошкент шаҳри тажрибасидан келиб чиққан ҳолда, коронавирус инфекциясига гумон қилинган шахслар ҳамда ушбу инфекция тасдиқланган беморларга малакали тиббий ёрдам кўрсатиш ва уларни амбулатор даволашга ихтисослашган “махсус поликлиникалар” фаолияти йўлга қўйилади”, - дейилган хабарда.
Фуқароларга қулайлик яратиш, шунингдек, уларга малакали тиббий ёрдамни ўз вақтида кўрсатишни таъминлаш мақсадида “махсус поликлиникалар” ва махсус тақсимлаш марказларининг туну кун фаолият кўрсатиши белгиланди.