ТОШКЕНТ, 22 июл — Sputnik. Тошкентдаги “Жомий” бозори яқинида жойлашган қурилиш моллари дўконида ёнғин юз берди.
ФВВ маълум қилишича, ёнғин соат 15.34 да бошланган. Бир неча дақиқада фавқулодда ҳодиса жойига Тошкент шаҳар Фавқулодда вазиятлар бошқармасининг 6 та ўт ўчириш ва қутқарув гуруҳи етиб келган.
16:14 да ёнғин тўлиқ бартараф этилган ҳамда дўконларнинг 2000 квадрат метр майдони сақлаб қолинган.
Ёнғин натижасида қурилиш моллари дўконларида жами 200 квадрат метр майдони ёниб кетган.
Ёнғин сабаблари экспертлар томонидан аниқланмоқда.