ТОШКЕНТ, 28 май - Sputnik. Москва мэри Сергей Собянин ўзини ўзи яккалаш режимини 14 июнга қадар узайтирди.
Шундай қилиб, пойтахтда ҳозирча ресторан, кафе, бар ва бошқа овқатланиш жойлари фаолияти тўхтатитиб турилади. Улар фақат таомни олиб кетиш ёки етказиб бериш хизматларини кўрсатишлари мумкин.
Москвада барча ноозиқ-овқат савдо дўконларини очилади. Гўзаллик салонлари, сартарошхоналар, спа-марказлари, ҳаммомлар эса ёпиқлигича қолади.
Бундан ташқари, 1 июндан бошлаб ниқоб режими кучайтирилади. Кўчага чиқишда ниқоб тақиш керак бўлади, шу жумладан спорт билан шуғулланаётганда ҳам. Жамоат транспортида, ишда, дўконларда, дорихоналарда, кўп тармоқли марказларда (МФЦ) ва бошқа ҳар қандай муассасаларда қўлқоплардан фойдаланиш керак.