ТОШКЕНТ, 1 апр - Sputnik. Бортига тиббий ниқоб ва тиббий жиҳозлар юкланган Россия ҳарбий самолёти Чкаловская аэродромидан (Москва вилояти) АҚШга томон учиб кетди, деб хабар беради РИА Новости Россия мудофаа вазирлигига таяниб.
Океан ортига Ан-124-100 Руслан самолёти учиб кетгани аниқланган.
Жонс Хопкинс Университети тақдим этган сўнгги маълумотларга кўра, АҚШда 188 мингдан ортиқ COVID-19 ҳолати қайд этилган, 3800 дан ортиқ киши вафот этган.
Сешанба куни Оқ уй матбуот хизмати агар вазият яхши кечган тақдирда АҚШда коронавирус қурбонлари сони 100 минг кишидан ортмаслиги, ноқулай сценарийда эса 2,2 миллионгача бўлиши мумкинлиги ҳақида эксперт материалларини эълон қилган эди.
Қулай сценарий пандемиянинг салбий оқибатларини камайтириш бўйича ҳукумат чораларини ўз ичига олади. Бундай ҳолда, ўлим даражаси 100мингдан дан 220 минггача бўлади. Аралашув бўлмаса, 1,5-2,2 миллион одам ўлиши тахмин қилинмоқда.
БССТнинг сўнгги маълумотларига кўра, дунёда 750 мингдан ошиқ юқтириш ҳолатлари қайд этилган, 36 мингдан ортиқ одам вафот этган.