ТОШКЕНТ, 21 мар - Sputnik. Ўзбекистон санитар врачи Баҳром Алматов мобил телефонлар орқали коронавируснинг юқиши эҳтимоли юқорилигини қайд этди.
"Бугунги кунда телефонлар энг кўп ишлатиладиган анжомлардан бири. У ўзида турли вируслар, шу жумладан, коронавирусни ҳам сақлаши ҳам мумкин. Бемор бир одам телефонни иккинчи одамга берганда, вирус ҳам кўчиб ўтади. Коронавирус тўлқинлар орқали юқмайди. Буни тўғри тушуниш керак», — деди Давлат Бош санитария врачи Баҳром Алматов коронавирус мавзусига бағишланган брифинг давомида.
Алматов смартфонларни вақти-вақти билан дезинфекциялаш зарурлигини таъкидлади.
Эслатиб ўтамиз, сўнгги маълумотларга кўра, Ўзбекистонда COVID-19 коронавирусини юқтирганлар сони 37 нафарни ташкил этмоқда.