ТОШКЕНТ, 18 мар — Sputnik. Коронавирус “CoVıD-2019” инфекциясининг тарқалишига қарши курашиш жараёнида, Туркиядаги ўзбекистонликлар мамлакатга қайтарилмоқда.
Айни дамда Туркиядан эвакуация қилиш учун аҳоли рўйхатини тузиш ҳаракатлари бошланган.
Туркиядаги фуқаролар Ўзбекистоннинг Туркиядаги элчихонаси томонидан “Истанбул-Тошкент” чартер авия йўналиши орқали ватанга қайтарилади.
Қайтиш истагида бўлган фуқаролар ўз фуқаролик паспорти, авиабилети нусхаси ҳамда Туркиядаги яшаш жойлари бўйича маълумотларни +90537 668 49 60 рақамига ёки Telegram va WhatsApp ижтимоий тармоғи орқали юборишлари сўралмоқда.