ТОШКЕНТ, 12 фев – Sputnik. Япониялик 112 ёшли отахон Титэцу Ватанабэ дунёда энг кекса киши сифатида Гиннесс рекордлар китоби гувоҳномасини олди.
Отахонга фахрли гувоҳнома Ниигате шаҳридаги қариялар уйида топширилди.
Ватанабэ 1907 йил 5 мартда туғилган. 20 ёшида Тайванга кўчиб ўтган, у ерда 18 йил яшаган.
Ундан олдин узоқ умр кўрган киши Хаккайдо оролида истиқомат қилган Масадзо Нонака бўлганди. У 2019 йил 20 январда 113 ёшида вафот этди.
Японияда 80 ёшдан ошган одамлар сони илк бор 2015 йилда 10 миллион кишидан ошди.