ТОШКЕНТ, 5 фев – Sputnik. Миллий гвардия ва маҳаллий бефарқ бўлмаган фуқаролар Қаршида ўз жонига қасд қилишга уринган икки ёшни қутқариб қолди, деб хабар беради Uz24.
Бу ҳақда Ўзбекистон Миллий гвардияси матбуот хизмати хабар берди.
"1 феврал куни соат 15.10да 2002 йилда туғилган фуқаро С.Р. ўз жонига қасд қилишга уринган. Ўқувчи қизни фожеадан Миллий гвардиянинг ўз вазифаларини бажараётган ҳарбий ҳизматчилари - лейтенант Д. Жакбаров ва сержант А. Қурбонов томонидан тезда қутқарганлар, кейин улар қизни РШТЁИМ Қарши филиалига олиб келишган, экспертиза натижасида у ҳеч қандай тан жароҳати олмагани айён бўлди», - дейилади хабарда.
Маълум бўлишича, у оила аъзолари билан юз берган можаро туфайли бундай қарорга келган.
"3 феврал куни соат 14.50 ларда вақтинча ишсиз бўлган фуқаро А.Х. дарё бўйида ўзини бўйин ва қорин бўшлиғига шиша синиқ билан уриб, ўзини дарёга ташлади. Шошилинч воқеа гувоҳи бўлган, ободонлаштириш бўлими ҳодими Ш. Мирзоева, номаълум йигит томонидан амалга оширилган ходиса тўғрисида Миллий гвардия ғодимлари - оддий аскарлар О. Раҳматов ва А. Усмоновларга хабар берди", - дейилади идора хабарида.
Ҳарбий хизматчилар фуқаро А.Х.ни зудлик билан сувдан қутқариб, биринчи ёрдамни кўрсатиб, РШТЁИМ Қарши филиалига етказишди ва у ерда унга тез тиббий ёрдам кўрсатилди, сўнг реанимация бўлимига ётқизилди. Ҳозирда фуқаронинг аҳволи қониқарли. Ушбу ҳолат бўйича Қарши шаҳар прокуратураси терговни бошлади.
Эслатиб ўтамиз, статистика маълумотларига кўра, Ўзбекистондаги ўз жонига қасд қилаётганларнинг 55,5 фоизи 14 ёшдан 30 ёшгача бўлган одамлар ташкил қилмоқда.
Ўз жонига қасд қилганлар орасида 45% руҳий касалланганлар ва асаб тизими заифлашган одамлардир.
Фуқароларнинг қарийб 14 фоизи оилавий низолар туфайли, 1,7 фоизи - носоғлом турмуш тарзи туфайли, 0,7 фоизи эса рашк туфайли бу қадамга йўл қўйишган.