ТОШКЕНТ, 10 дек — Sputnik. Олий Мажлиси Сенатининг йигирма бешинчи ялпи мажлиcи 14 декабрь куни чақирилади. Тегишли қарор Сенат Кенгашининг навбатдаги мажлисида қабул қилинди.
Ялпи мажлисда сенаторлар “Солиқ кодекси тўғрисида”ги, “Солиқ кодексининг қабул қилиниши муносабати билан Ўзбекистон Республикасининг айрим қонун ҳужжатларига ўзгартиш ва қўшимчалар киритиш, шунингдек айрим қонун хужжатларини ўз кучини йўқотган деб топиш тўғрисида”ги, “Давлат божи тўғрисида”ги, “Инвестициялар ва инвестиция фаолияти тўғрисида”ги, “Махсус иқтисодий зоналар тўғрисида”ги, “Миллий гвардияси тўғрисида”ги, “Мактабгача таълим ва тарбия тўғрисида”ги қонунларни муҳокама қилишади.
Бундан ташқари, Сенат аъзолари нотариат тизимининг тубдан ислоҳ қилиниши, баъзи давлат органларининг фаолияти такомиллаштирилиши муносабати билан мамлакатнинг айрим қонун ҳужжатларига ўзгартиш ва қўшимчалар киритишни назарда тутадиган қонунларни муҳокама қилади.
Қайд этилишича, Сенаторлар Сурхондарё вилояти Термиз туманининг чегарасини ўзгартириш, Термиз шаҳрининг чегарасини кенгайтириш ҳамда уларнинг чегараларини тасдиқлаш тўғрисидаги масала ҳам кўриб чиқадилар.