ТОШКЕНТ, 3 дек — Sputnik. Тошкент шаҳар ҳокимлигида Душанбе шаҳри раиси Рустам Эмомали бошчилигидаги делегация билан учрашув ўтказилди. Унда икки томонлама муносабатларни янада ривожлантириш масаласи муҳокама этилди.
Пойтахт ҳокимлиги матбуот хизмати хабарига кўра, Жаҳонгир Ортиқхўжаев Тошкент Душанбе билан ҳар томонлама муносабатларни ривожлантиришга тайёр эканлигини билдирган.
Рустам Эмомали самимий қабул ва дўстона муҳит учун миннатдорлигини изҳор этган ва Тошкентнинг қурилиш соҳасидаги тажрибаси билан танишиш ниятидалигини маълум қилган.
Шунингдек, келгуси йилда Душанбеда Тошкент кунларини ташкил этиш ва унинг доирасида ёшлар форумини ўтказиш режалаштирилаётганлигини айтган.
Учрашув давомида икки томон вакиллари ўртасида 2020-2021 йилларда Тошкент шаҳри ва Душанбе шаҳри ижроия қўмиталари ўртасида савдо-иқтиосдий ва маданий-гуманитар соҳаларда биргаликда бажариладиган тадбирлар режасини амалга оширишга қаратилган битим имзоланди.