ТОШКЕНТ, 7 ноя – Sputnik. Россиянинг Краснодар ўлкасида ҳалокатга учраган Ўзбекистон фуқароси Равшан Тўхтаматов 5 ноябрь куни Ўзбекистонга олиб келинди.
Беморни ватанга қайтаришда Бандлик ва меҳнат муносабатлари вазирлиги ташаббуси билан Соғлиқни сақлаш вазирлиги, Фавқулодда вазиятлар вазирлиги ҳамда “Ўзбекистон ҳаво йўллари” Миллий авиакомпанияси бирлашган.
Ўзбекистоннинг Ростов-Дондаги бош консуллиги берган маълумотларга кўра, Краснодар ўлкасида 5 нафар фуқаро ЙТҲга учраган. Улар орасида ушбу фуқаро ҳам бўлган.
У жуда жиддий жароҳат олган, унда суяк синишлари, ички аъзоларининг лат ейиши, миясида жиддий жароҳат ҳамда гемотома қайд этилган. “Ётоқ” беморини самолётда Ўзбекистонга етказишни ҳеч бир рейс хоҳламаган.