ТОШКЕНТ, 21 окт – Sputnik. АҚШ ҳарбий авиацияси қўшинларини олиб чиққандан сўнг Клейб базасини бомбардимон қилди. Бу ҳақда РИА Новости хабар қилди.
Клейб базаси Эль-Хасака вилоятида жойлашганди. Базада ҳарбий-транспорт самолётлари учун учиш-қуниш чизиғи бўлган.
Авиабаза жойлашган ҳудудда курд ва Туркия томон бўлган қуролланган гуруҳлар томонидан жанг олиб борилмоқда.
АҚШ Сурия ўша ҳудудида жойлашган яна бир авиабазани ташлаб кетиши кутилмоқда.
АҚШ президенти Дональд Трамп 2018 йил декабр ойида АҚШ ҳарбийларининг Суриядан чиқиб кетишини эълон қилди.