ТОШКЕНТ, 25 сен – Sputnik. Оқ уй АҚШ президенти Дональд Трамп ва Украина раҳбари Владимир Зеленскийнинг 25 июлда бўлиб ўтган суҳбатини эълон қилди.
Айнан ушбу суҳбат АҚШда Дональд Трамп импичментига асос қилиб кўрсатилаётган эди.
Украиналик ҳамкасби билан суҳбатда Трамп Зеленский ва Украина бош прокурори“Байден иши”ни ўрганганида “ажойиб бўларди”, деб айтган.
Ўз навбатида Зеленский Украина янги бош прокурори ушбу вазиятни кўриб чиқишини ваъда қилган. У Трампдан “Байден иши” юзасидан қўшимча маълумотларни тақдим этишни илтимос қилган.
“Бу ишни тергов қилиш масаласи ҳақиқатан ҳам ҳақиқатни тиклашдан иборат, шунинг учун биз бу иш билан шуғулланамиз", - деган Украина президенти.
Эълон қилинган суҳбат матнидан кўриниб турибдики, ушбу суҳбатда Трамп ва Зеленский АҚШ томонидан Украинага молиявий ёрдам кўрсатишни муҳокама қилмаган.
Аввалроқ ОАВда Америка етакчиси Украинадаги республикачилар номзоди Жо Байденнинг ўғли фаолиятини текшириш эвазига Киевга маблағ ажратишни тўхтатгани ҳақида хабарлар пайдо бўлган эди. Трампнинг ўзи бу тахминларни дарҳол рад этган эди.