ТОШКЕНТ, 25 сен — Sputnik. Қорақалпоғистонда Ўзбекистон Қизил китобига киритилган 13 дона жайронларни отиб ўлдирилиши ҳайвонот дунёсига 145 млн. сўм миқдорда зарар етказди. Бу ҳақда Бош прокуратура матбуот хизмати хабар қилди.
Аниқлик киритилишича, Мўйноқ тумани “Қозоқдарё” овул фуқаролар йиғини ҳудудида Тахтакўпир туманида яшовчи 5 нафар фуқаролар ушбу ҳайвонларни отиб ўлдиришган.
Мазкур ҳолат юзасидан Орол табиатни муҳофаза қилиш прокуратураси томонидан ЖКнинг 202-моддаси 3-қисми “ж” банди билан жиноят иши қўзғатилган.
Ҳозирда дастлабки тергов ҳаракатлари олиб борилмоқда.
Эслатиб ўтамиз, аввалроқ Қорақалпоғистонда 13 бош жайрон отиб ўлдирилгани хабар қилинган эди.