ТОШКЕНТ, 24 сен – Sputnik. Қорақалпоғистонда 13 бош жайронларни ноқонуний ов қилган икки нафар браконьер қўлга олинди.
Давлат экология қўмитасининг хабар қилишича, 23 сентябрь кечаси соат 3:00 да Мўйноқ тумани “Қозоқдарё” ОФЙ ҳудудидан оқиб ўтувчи “Ақшадарё” коллектори атрофида ўтказилган тунги рейд ўтказилга. Унинг натижасида УАЗ-469 русумли давлат рақами 95 V 654 DA автомобили тўхтатилиб кўздан кечирилганда ичида икки дона ов милтиғи ва ўн уч бош жайрон борлиги аниқланган.
Маълум қилинишича, браконьерлар Т. Б.ТОЗ-63 ва П. А. ИЖ-18 русумли ов милтиғи ёрдамида Ўзбекистон Қизил китобига киритилган 13 бош жайронларни ноқонуний ов қилганлар.
Экоинспекторлар Мўйноқда браконьерлар томонидан ўққа тутилди
Айни дамда ноқонуний ов бўйича барча ҳужжатлар тўпланиб, Орол табиатни муҳофаза қилиш прокуратурасига юборилган.
