ТОШКЕНТ, 21 сен - Sputnik. Ravon бренди Россия бозорига қайтди. 2019 йилда компания Россияда 7-8 минг дона автомобилларни сотмоқчи, деб хабар бермоқда Sputnik Ўзбекистон мухбири.
"Ravon Россия бозорига ҳаммабоп, яхши танилган учта модель билан қайтмоқда – булар "RAVON R4", "RAVON R2" ва "RAVON Nexia R3" автомобилларидир", - дейилади хабарда.
Машиналар сотуви шу ойнинг ўзида расмий дилерлик марказларида қайта тикланади, дилерлик тармоғи эса, анча кенгайтирилади.
"Ўзавтомоторс" АЖ бошқарувчи директори Александр Сахапов "Известия" нашрига берган интервьюсида бренд Россияда автомобиллар йиғишни йўлга қўйиш устида ишлар олиб бораётгани ҳақида гапириб ўтган.
Таъкидланишича, бу борадаги музокаралар жуда фаол босқичда ва йил якунига қадар бу борада оммага эълон қилиниши режалаштирилган.
Шунингдек, таъкидланишича, Ravon 2022 йилга қадар янги саккизта модел тақдимотини ўтказишни режалаштирмоқда.