ТОШКЕНТ, 4 сен - Sputnik. Футбол бўйича ЖЧ—2022 иккинчи саралаш босқичи 1-туридан ўрин олган Фаластин — Ўзбекистон учрашувини хитойлик ҳакамлар гуруҳи бошқариб боради. Бу ҳақда ЎФА хабар қилди.
Саралаш баҳсларининг “D” гуруҳидан ўрин олган Ўзбекистон миллий терма жамоаси илк ўйинини сафарда Фаластинга қарши ўтказади. Мазкур учрашув 5 сентябрь куни Ал-Рам шаҳридаги Фаластин терма жамоасининг уй ўйинларини ўтказадиган “Фаисал Ал-Ҳуссеини” стадионида бўлиб ўтади. Ўйин Тошкент вақти билан соат 19:00да бошланади.
Бош ҳакам: Фу Минг (Хитой)
Ёрдамчи ҳакамлар: Ҳуо Веиминг (Хитой), Ванг Децин (Хитой).
Захира ҳаками: Арафа Муҳаммад (Иордания).
Назоратчи: Баскар Пурушотаман (Ҳиндистон).
Комиссар: Шаҳир Аҳмед (Мальдив).
Эслатиб ўтамиз, аввалроқ Ўзбекистон миллий жамоасининг ЖЧ-2022 саралашидаги илк ўйини – Фаластинга қарши учрашув олдидан йиғинга чақирилган футболчилар рўйхати эълон қилингани хабар қилинган эди.