ТОШКЕНТ, 27 июн - Sputnik. Тунис марказида иккита портлаш содир бўлди. Бу ҳақда РИА Новости хабар қилмоқда.
Дастлабки маълумотларга кўра, биринчи портлаш худкуш-террорчи аёл томонидан содир этилган. У ўзини Франция элчихонаси ва ТИВ биноси жойлашган гавжум кўчада портлатиб юборган. Ҳужум мақсади полиция патрул машинаси бўлган.
Иккинчи портлаш Миллий терроризмга қарши кураш бошқармаси автотураргоҳида содир бўлган. Маълум қилинишича, худкуш-террорчи бино ичига кира олмагани сабабли одамлар бўлиши мумкин бўлган жойда ўзини портлатиб юборган.
“Аль-Ҳадас” нашрининг хабар қилишича, портлашлар оқибатида бир нафар полиция ходими ҳалок бўлган, бундан ташқари камида 4 киши жароҳат олган
Ҳозирда портлаш содир бўлган ҳудудлар ўраб олинган ва ҳодиса тафсилотларини ўрганилмоқда.