ТОШКЕНТ, 17 июн – Sputnik. Бугун Ўзбекистон футбол ассоциациясида Равшан Эрматов Ўзбекистон миллий, олимпия, ёшлар ва ўсмирлар терма жамоалари мураббийлари билан учрашув ўтказди.
Учрашув давомида терма жамоалар олдига қўйилган вазифалар, бўлажак мусобақаларга тайёргарлик масалалари муҳокама қилинди.
Терма жамоалар бош мураббийлари йиғинлар ташкил қилиш, машғулотлар ўтказиш, янги номзодларни саралаб олишда аҳамият қаратиш зарур бўлган жиҳатлар, бўлажак мусобақаларга муносиб тайёргарлик кўриш учун зарур чора-тадбирлар ҳақида сўз юртишди.
Муаммо ва ечим: Равшан Эрматов мураббийлар билан учрашув ўтказди
© Ассоциация футбола Узбекистана
Шунингдек, ҳал қилиниши лозим бўлган муаммолар муҳокама қилиниб, уларнинг ечимларини топиш ва муаммоларни бартараф этиш бўйича Равшан Эрматов томонидан тегишли департамент бошлиқларига топшириқлар берилди.