ТОШКЕНТ, 15 май — Sputnik. Ироқ ҳукумати С-400 ҳимоя мажмуасини сотиб олишга қарор қилди, деб хабар қилмоқда РИА Новости ушбу мамлакатнинг Россиядаги фавқулодда ва мухтор элчиси Хайдар Мансур Хадига асосан.
Элчи айтишига қараганда, айни дамда ушбу битимнинг аниқ санасини белгиловчи “йўл харитаси” тузилмаган, шунингдек, америка томон билан ҳам ушбу борада музокаралар олиб борилмаган.
“Америкаликлар билан муаммоларни ҳал қилишда дипломатик каналлардан фойдаланиш режалаштирилмоқда”, - деди элчи.
Эслатиб ўтамиз, 2017 йилда Туркия Россия билан С-400 тизимларини сотиб олиш тўғрисида битим имзолаган эди. Вашингтон С-400 тизимларини Туркияга етказиб беришга барча чораларни ишга солган ҳолда қаршилик кўрсатмоқда.
АҚШ Туркияга қарши санкциялар киритиш ҳамда энг янги F-35 самолётларини Туркияга сотиш жараёнини тўхтатиш билан пўписа қилмоқда. Анқара ўз навбатида С-400 сотиб олишдан воз кечмаслигини маълум қилмоқда.
Маълумот учун, С-400 "Триумф" — ўрта ва узоқ масофаларга мўлжалланган янги зенит ракета мажмуаси бўлиб. Уни кечаю-кундуз, ҳар қандай ланшдафт ва кучли радиоэлектрон таъсир шароитларида ҳам қўллаш мумкин.