ТОШКЕНТ, 18 апр - Sputnik. Тўртинчи май санасида Ўзбекистонда Марказий Осиё мотомавсуми очилиш маросими бўлиб ўтади. Марказий Осиё мотоциклчилари илк маротаба мавсум очилишини биргаликда янги формат ва кўламда ўтказадилар. Ушбу рамзий воқеликни Тожикистон, Қозоғистон, Қирғизистон, Ўзбекистон ва Россиядан бўлган ҳаваскор ва профессионал мотоҳайдовчилар қўллаб-қувватладилар.
Таъкидланишича, Ўзбекистонда бу тадбир ўтказилиши - мамлакатда туризмни ривожлантириш, сайёҳлар учун қизиқарли тадбирлар сонини кўпайтириш ташаббуси билан боғлиқ.
Яъни тадбир ташаббускорлари Ўзбекистонни гастрономик жиҳатдан кўрсатибгина қолмай, мамлакатни замонавий ва жадаллий билан ривожланаётган, бой тарихга ва йирик туристик салоҳиятга эга, барча турдаги сайёҳлар, шу жумладан, мото-туристлар учун ҳам қизиқарли бўлган давлат сифатида намойиш қилишни мақсад қилганлар.
Мотофестивальга "Миллий" стадиони олдида 4 май куни соат 8.30да старт берилади, сўнгра 11.30да NEXT кўнгилочар савдо-мажмуаси автотураргоҳида катта мотошоу бўлиб ўтади, фестиваль Чорвоқдаги "Пирамида" дам олиш зонасига марш-бросок билан якунланади.