ТОШКЕНТ, 22 мар — Sputnik. Хитойда кимё заводида содир бўлган портлаш оқибатида тўрт мингга яқин киши эвакуация қилинди.
РИА Новостининг маҳаллий маъмуриятга таяниб маълум қилишича, ҳукумат ташкилотнинг уч мингга яқин ишчиси ва мингга яқин маҳаллий аҳолини эвакуация қилган.
Фавқулодда ҳодиса содир бўлган ҳудуддаги мактаб ва болалар боғчасида машғулотлар тўхтатилган.
Портлаш пайшанба куни Хитойнинг “Чэньцзяган” кимёвий саноат боғидаги “Тяньцзяи” кимё заводида юз берди.
Портлаш шунчалик кучли бўлганки, Хитой сейсмик агентлиги портлаш юз берган жой яқинидаги ҳудудларда 2,2 магнитудали ва ўчоғи 0 метрда жойлашган зилзилани қайд қилган.
Сўнгги маълуматларга қараганда, 47 киши ҳалок бўлган, 640 киши тиббий ёрдам сўраб мурожаат қилган, улардан 90 киши оғир жароҳат олган.
Хитой Халқ республикаси раиси Си Цзиньпин одамларни қутқариш ва хавфни бартараф этиш учун барча имкониятларни ишга солишни буюрди.