ТОШКЕНТ, 31 янв – Sputnik. Россий олийгоҳларида бюджети ҳисобидан таҳсил олмоқчи бўлган номзодлар сони 8 минг нафарга кўпайди. Бу кўрсаткич 2018 йилда 5,8 минг кишини ташкил қилганди. Бу ҳақда “Россотрудничество” ваколатхонаси раҳбари Виктор Шулика маълум қилди.
“Танлов синовларига шу йилда 8 мингдан ортиқ номзодлар рўйхатга олинди. Таққослаш учун: 2018 йилда 5,8 минг киши бўлган”, - деди Шулика.
Унинг сўзларига кўра, Россия олийгоҳларига 2019-2020 ўқув йили учун танлов 10-12 февралда бошланади.
“Ўтган йили тоғ-кон саноати бўйича таҳсил олиш учун 85 кишини танлаб олдик”, - деб таъкидлади ваколатхона раҳбари.
Ваколатхона раҳбарининг сўзларига кўра, Россияда молия-назорат органларига мутахассисларини тайёрлаш бўйича томонлар ўртасида келишувлар мавжуд.
“Шу йилда биз молиявий мониторинг мутахассисларини тайёрлашга ихтисослашган Москва тармоқ институтида таҳсил олиш учун 50 кишини танлаб оламиз”, - деб қўшимча қилди эксперт.