ТОШКЕНТ, 28 янв – Sputnik. АҚШ “Толибон” ҳаракати билан ҳарбийларни олиб чиқиш тўғрисидаги битим лойиҳасини келишди. РИА Новости New York Times хабарига асосан.
Унга кўра, ҳарбий тўқнашувларни тугатиш ва толибларни Афғонистон ҳукумати билан музокаралар эвазига АҚШ ўз ҳарбийларини ҳудуддан тўлиқ олиб чиқиши мумкин. Буни АҚШ давлат котибининг Афғонистон бўйича махсус вакили Залмай Халилзад тасдиқлади.
Бундан аввал Рейтер агентлиги ўз манбаасига таянган ҳолда, Вашинтон ва “Толибон” Қатарда бир неча кун давом этган музокаралар натижасида Афғонистонда 17 йиллик қарама-қаршиликни тўхтатиш бўйича дастлабки келишувлар эришилганлиги маълум қилинганди. Бунинг ортидан Вашингтон ўз қўшинларини мамлакат ҳудудидан олиб чиқиши мумкин.
Дастлабки ҳужжат лойиҳаси Афғонистондан 18 ой муддат ичида хорижий кучларни олиб чиқилиши ва “Ал-қоида” ва “Ислом давлати” террорчилик гуруҳлари томонидан мамлакат ҳудудидан фойдаланилмаслиги тўғрисидаги кафолатларни ўз ичига олган.