ТОШКЕНТ, 21 дек - Sputnik. Қирғизистон пойтахтида 2019 йил 1 январдан бошлаб жамоат жойларида тупурган шахслар жаримага тортилади.
"Қирғизистонда 2019 йил 1 январдан шаҳар ободончилик қоидаларини бузганлик учун катта миқдорда жарима назарда тутилган ҳуқуқбузарликлар тўғрисида янги кодекс амал қилишни бошлайди", дея хабар қилган Бишкек шаҳар ҳокимлиги матбуот хизмати.
Янгиланган ҳужжатга "Тупуриш" банди киритилган. Мазкур бандга биноан қуйидаги жарима миқдори назарда тутилган: жисмоний шахсларга нисбатан – 5,5 минг қирғиз соми (78 доллар), юридик шахсларга нисбатан – 17 минг қирғиз соми (243 доллар).
Шунингдек, хазон ёқиш учун ҳам жарима миқдори жисмоний шахсларга нисбатан 7,5 минг (107 доллар) ва юридик шахсларга нисбатан 23 минг қирғиз сомгача (329 доллар) (аввал 10 минг (143 доллар) эди) оширилган.