ТОШКЕНТ, 21 дек - Sputnik. Ўзбекистонда биринчи президент Ислом Каримовнинг хавфсизлик хизматига раҳбарлик қилган, генерал-майор Муиджон Тоҳирий қўлга олинди. Бу ҳақда "Халқ сўзи" нашри Бош прокуратура маълумотига таяниб хабар қилди.
Хабарда айтилишича, ҳозир тергов олиб борилмоқда. Тергов сири нуқтайи назаридан бошқа маълумотлар келтирилмаган.
Эслатиб ўтамиз, 2013 йилда Тоҳирий Ўзбекистон президент Ислом Каримовнинг хавфсизлик хизматини бошқарган. Унинг сўнги иш жойи Давлат божхона қўмитаси бўлиб, 2016 йил 20 декабрида раис этиб тайинланган ва 2018 йил 12 февралда ишдан бўшатилган.