ТОШКЕНТ, 11 окт – Sputnik. “Давлат ва жамият эҳтиёжлари учун ер участкаларининг олиб қўйилиши муносабати билан жисмоний ва юридик шахсларга етказилган зарарларни қоплаш бўйича марказлаштирилган жамғармаларни ташкил қилиш чора-тадбирлари тўғрисида”ги Ҳукумат қарори лойиҳаси муҳокамага қўйилди.
Қарор лойиҳасида заҳира жамғармаси маблағларининг 15 фоизидан кам бўлмаган миқдорда Вазирлар Маҳкамасининг давлат ҳамда жамият эҳтиёжлари учун ер участкаларининг олиб қўйилиши муносабати билан жисмоний ва юридик шахсларга етказилган зарарларни қоплаш бўйича марказлаштирилган жамғармаси;
Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари заҳира жамғармалари маблағларининг 15 фоизидан кам бўлмаган миқдорда Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликларининг давлат ҳамда жамият эҳтиёжлари учун ер участкаларининг олиб қўйилиши муносабати билан жисмоний ва юридик шахсларга етказилган зарарларни қоплаш бўйича марказлаштирилган жамғармалари шакллантириш белгиланган.
Қарор иловасида Республика ва Ҳудудий жамғармалардан маблағ ажратиш бўйича республика Кузатув кенгаши ва ҳудудий Кузатув кенгашлар таркиби тасдиқлаш назарда тутилган.
Қарор лойиҳасида айтилишича, Республика ва Ҳудудий жамғармалар юридик шахс тузмасдан ташкил этилади ҳамда уларнинг маблағлари шахсий ғазна ҳисобварақларида жамланади.
Шунингдек, Республика ва Ҳудудий жамғармалар маблағлари Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари орқали давлат ва жамият эҳтиёжлари учун ер участкаларининг олиб қўйилиши муносабати билан жисмоний ва юридик шахсларга етказилган зарарларни қоплаш учун сарфланади.
Қарор лойиҳаси 10 ноябргача муҳокама қилиниши белгиланган.