ТОШКЕНТ, 12 сен – Sputnik. Ўзбекистон Товар хом-ашё биржаси матбуот хизмати хабарига кўра, 5 сентябрдан 8 сентябргача аукционда қиймати 2 млрд. сўмдан “чиройли” авторақамлар сотилган.
Сотилган автомобил рақамларининг умумий сони 638тани ташкил қилган. Улардан 21 % - Биринчи тоифали, 24 % - иккинчи тоифали ва 55 % - учинчи тоифали автомобил рақамларидир.
Хабарда айтилишига кўра, энг кўп чиройли рақамлар Тошкент шаҳри ва Тошкент вилоятида сотилган. Умумий савдо ҳажмида ушбу ҳудуднинг улуши 19 %га тенг.
Иккинчи ўринда Фарғона вилояти 12 % улуш билан жойлашди. Учинчи ўрин Наманган бўлиб, унинг улуши 10 %. Бошқа ҳудудларнинг улуши 59 %ни ташкил қилди.