ТОШКЕНТ, 28 авг – Sputnik. Ўзбекистон президенти маъмуриятида жиддий ўзгаришлар содир бўлди, деб хабар қилмоқда Uznews.
Собиқ Президент девони “Президент маъмурияти” деб қайта ташкил этилади. Шунингдек "давлат маслаҳатчиси" лавозими бекор қилиниб "президент маслаҳатчиси" лавозимига ўзгартирилган.
Ушбу муносабат билан президентнингёшлар сиёсати бўйича маслаҳатчиси Қаҳрамон Қуронбоев янги ташкил қилинган Президент маъмуриятининг илм-фан, таълим, соғлиқни сақлаш ва спорт ишлари бўйича сектор бошлиғи ўринбосари этиб тайинланди.
Маданият, нашриёт ва ижодий уюшмалар бўйича давлат маслаҳатчиси Хайриддин Султонов ҳам ўз вазифасини тарк этган ҳолда, президентнинг спичрайтер (нутқ ёзувчиси) сифатида фаолиятини давом эттиради.
Янги ташкил қилинган президент маъмуриятига раҳбар этиб Зайнобиддин Низомиддионов тайинланган.