ТОШКЕНТ, 4 авг — Sputnik. Ўзбекистон, Россия ва Хитой терма жамоалари “Арми-2018” халқаро армия ўйинларининг “Йўл патрули” танловида етакчи бўлиб олишди. Бу ҳақда Россия мудофаа вазирлиги матбуот хизмати хабар берди.
"Мусобақалар натижаларига кўра, Россия жамоаси 1-, ХХР жамоаси 2- ва Ўзбекистон жамоаси учинчи ўринда бормоқда", - дейилади хабарда.
Аввалроқ АрМИ-2018 ўйинларида Ўзбекистон жамоаси реактив тизимларни таъмирлаш бўйича танловда учинчи ўринни эгаллагани хабар қилинганди.
Ўзбекистонлик ҳарбий хизматчилар жорий йилда жами 27 йўналиш бўйича бўлиб ўтаётган "Халқаро армия ўйинлари-2018"нинг 13 та йўналишида мамлакат шаънини ҳимоя қилишмоқда.