ТОШКЕНТ, 28 июн - Sputnik. Шанхай ҳамкорлик ташкилоти яқин орада ўз сафига Эронни қабул қилиши амри маҳол, дейишмоқда россиялик экспертлар, РИА Новости хабарига асосан.
Пайшанба куни Россия Халқаро ишлар бўйича кенгаши мутахассислари ШҲТ саммити якунларини муҳокама қилишди.
МГИМОнинг Шарқий Осиё изланишлар марказининг катта илмий ходими Игор Денисов айтишига қарганда, Эронни ШҲТга қабул қилиш жараёни Ҳиндистон ва Покистоннинг ШҲТга мослашув жараёни ва “янги реаллик” туфайли секинлашади.
Денисовнинг ҳамкасабаси Михаил Конаровский фикрига кўра, ШҲТ аъзолари ҳам ҳозирча Эроннинг қўшилиши борасида консенсусга эриша олгани йўқ.
Шунингдек, Эроннинг қўшилишига Тожикистон ҳам қарши бўлиши мумкин, чунки Душанбе ва Теҳрон орасида муносабатлар анча мураккаб.
Эслатиб ўтамиз, 9-10 июнь кунлари Хитойнинг Циндао шаҳрида ШҲТ раҳбарларининг навбатдаги саммити бўлиб ўтди. Саммит якунларига кўра давлат раҳбарлари декларация ва бошқа бир қатор шартномаларни имзолашди.