ТОШКЕНТ, 27 июн – Sputnik. Ўзбекистонлик оқсоқоллар МДҲда энг узоқ умр кўрувчи пенсионерлар экан, деб хабар қилмоқла Nuz.uz нашри.
Статистик маълумотларга кўра, Ўзбекистонда ўртача умр узоқлиги аёллар учун 75 ёш, эркаклар учун 69,7 ёшни ташкил қилади.
Мутахассислар ушбу ёшдан нафақага чиқиш ёшини олиб ташлашди. Ўзбекистонда бу эркаклар учун 60 ёш, аёллар учун 55 ёш. Натижада ўзбекистонлик онахонлар пенсия ҳисобига ўртача 20 йил, отахонлар - 9,7 йил яшаши маълум бўлди. Нафақахўрларнинг умумий ёши эса – 29,7 ёшни ташкил қилиб, МДҲда энг юқори натижа бўлди.
Россияда ушбу кўрсатгичлар 29,6 ёшни ташкил қилди: аёллар учун 23,2 ёшни, эркаклар учун эса 6,4 икки ёшни ташкил қилди.
Учинчи ўринни эгаллаган Беларусда нафақахўрларнинг умумй ёши 27 ёшни ташкил қилди. Аёллар учун 21 ёш ва эркаклар учун – 6 ёш.
Қозоғистон рейтнингнинг энг пастки қаторидан ўрин олди. Бу ерда нафақахўрларнинг умумй ёши 16 ёшни ташкил қилди. бу ерда эркаклар умр узоқлиги ўртача 67 ёш, аёллар – 75 ёшни ташкил қилади. Нафақага чиқиш ёши эса барча учун бир хил – 63 ёш.