ТОШКЕНТ, 21 май — Sputnik. Марказий банк 22 майдан эътиборан хорижий валюталарининг ўзбек сўмига нисбатан янги қийматини белгилади.
Доллар курси ўтган ҳафтага нисбатан 27,88 сўмга камайиб, 7 997,95 сўмни ташкил қилди. Шу ўринда айтиб ўтиш керакки, 2017 йил сентябрдаги валюта либерализацияси бошланганидан бери долларнинг Марказий банк курси биринчи марта 8000 сўмдан пастга тушди.
Евро курси эса 200,50 сўмга пасайиб, 9 396,79 сўмни ташкил қилди.
Россия рубли 1,26 сўмга тушди ва 128,37 сўмни ташкил этди.
Марказий банк мазкур валюталарни ушбу қийматда сотиш ёки сотиб олиш мажбуриятини олмаган.