ТОШКЕНТ, 9 апр — Sputnik. Йўл қоидаси бузилиши саккиз нафар шахснинг ўлимига ва уч нафар шахснинг тан жароҳати олишига сабаб бўлди, деб хабар қилди Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармаси.
Натижада "Кобальт" автомашинаси ҳайдовчиси О.Камолов ва унинг 2 нафар йўловчилари, жароҳат олиб воқеа жойида вафот этган. "Нексия" автомашинаси ҳайдовчиси С.Суннатов ва унинг 4 нафар йўловчилари, жароҳат олиб касалхонага келтирилганларида вафот этганлар.
Шунингдек, "Кобальт" автомашинасининг яна 3 нафар йўловчилари жароҳатлар билан касалхонага ётқизилган.
Бу ўтган ҳафтада содир этилган ва кўплаб инсонлар ҳаётига нуқта қўйган иккинчи даҳшатли авариядир. Ўтган ҳафтада Жиззах вилоятида автомобиллар катта тезликда келиб тўқнашиши оқибатида саккиз киши ҳалок бўлган эди.