ТОШКЕНТ, 4 апр — Sputnik. "Қизилқумцемент" АЖ корхонасида содир бўлган ёнғинда икки киши жароҳатланди, деб хабар қилди ИИВ матбуот хизмати.
Хабарда айтилишича, Навоий шаҳрида 2 апрель куни соат 09-55 да, Навоий кўчаси 5-уйда жойлашган ҳозирда таъмирлаш ишлари олиб борилаётганлиги сабабли иш фаолияти вақтинча тўхтатилган "Қизилқумцемент" АЖ корхонасида ёнғин содир бўлган.
Кўрилган чоралар натижасида ёнғин ўчирилган.
Ёнғин оқибатида корхонадаги совутиш иншоотининг ички қисми ёниб зарар кўрган. Шунингдек, шу корхона ишчилари, 1967 йилда туғилган Ш.Примов ва 1960 йилда туғилган С.Икромовлар куйиш жароҳатлари билан касалхонага ётқизилган.
Суриштирув ишлари олиб борилмоқда.